0
0
കടുവ എന്നു കേൾക്കുമ്പോഴേക്ക് വന്യമൃഗത്തിൻ്റെ ഭീകര ഭാവമല്ലേ പെട്ടെന്ന് ഓർമ വരുന്നത്. എന്നാൽ കടുവകൾ ചെയ്യുന്ന കുസൃതികളുടെ വീഡിയോകളും പലപ്പോഴായും സോഷ്യൽ മീഡിയയിൽ പ്രത്യക്ഷപ്പെടാറുണ്ട്. അത്തരത്തിൽ കുരുന്നിനൊപ്പം കുസൃതി കാണിക്കുന്ന കടുവയുടെ വീഡിയോ വൈറലാവുകയാണ്. ഏകദേശം രണ്ടു കോടിയിലധികം ആളുകൾ വീഡിയോ കണ്ടു കഴിഞ്ഞു. ചൈനയിലെ മൃഗശാലയിൽ നിന്നുള്ള വീഡിയോ ആണിത്.
എന്നാല്‍ ഏത് വലിയ കടുവയും ഉള്ളിന്റെയുള്ളില്‍ ഒരു പൂച്ചക്കുട്ടി ആയിരിക്കും എന്നാണ് ഈ വിഡിയോ വ്യക്തമാക്കുന്നത്. കടുവയെ കാണാനെത്തിയതായിരുന്നു ഒരു കൊച്ചു കുഞ്ഞ്. ഗ്ലാസ് മതിലിന് ഇപ്പുറത്ത് നിന്ന് കടുവയോട് കളിയായി പലതും കാണിക്കുന്നുണ്ട് കുഞ്ഞ്. രണ്ടാമതൊന്ന് ആലോചിക്കാതെ കുഞ്ഞ് ചെയ്ത കാര്യങ്ങള്‍ അതേപടി അനുകരിച്ച കടുവയാണ് ഇപ്പോള്‍ സോഷ്യല്‍ മീഡിയയുടെ ഹൃദയം കീഴടക്കിയിരിക്കുന്നത്.
ഗ്ലാസ് കൂടിനുള്ളിലാണ് കടുവയുള്ളത്. കുഞ്ഞ് ആദ്യം ഈ കൂട്ടിലേക്ക് ചാരി നില്‍ക്കുകയാണ്. ആ സമയത്ത് മുഖം കൊണ്ട് കുഞ്ഞിനെ കടുവ ഉരുമാന്‍ ശ്രമിക്കുന്നത് കാണാം. അത് കഴിയുമ്പോള്‍ രണ്ടു കൈയും ഗ്ലാസ് കൂടില്‍ തൊട്ടു വീശുകയാണ് കുഞ്ഞ്. ആദ്യം ഇതൊക്കെ കണ്ടുനിന്ന കടുവയുടെ മനസിലെ പൂച്ചക്കുട്ടി പെട്ടെന്ന് തന്നെ പുറത്തു ചാടി. കുഞ്ഞ് ചെയ്യുന്നത് അതേപടി ഗ്ലാസ് കൂടില്‍ നിന്നുകൊണ്ട് അനുകരിക്കുകയായിരുന്നു.
കുരുന്നിൻ്റെയും കുസൃതിക്കടുവയുടെയും മുഴുവൻ വീഡിയോ ഇവിടെ കാണാം.Watch Now.
കിഴക്കന്‍ ചൈനയിലെ ഒരു മൃഗശാലയില്‍ നിന്നാണ് ഈ വിഡിയോ പകര്‍ത്തിയിരിക്കുന്നത്. അതേസമയം, കുഞ്ഞിനെ കണ്ടപ്പോള്‍ ആദ്യം കടുവ മുഖം കുഞ്ഞിന്റെ മുഖത്ത് ഉരസിയത് അല്ലെന്നും തനിക്ക് ഭക്ഷണമാക്കാന്‍ പറ്റുമോ എന്ന് മണത്തു നോക്കിയതാണെന്നുമാണ് ഒരു കമന്റ്. മൃഗങ്ങളെ ബഹുമാനിക്കാന്‍ കുഞ്ഞുങ്ങളെ പഠിപ്പിക്കണമെന്നും ചിലര്‍ നിര്‍ദ്ദേശിക്കുന്നുണ്ട്.
Also Read: പരിമിതികളെ മറികടന്ന ചിത്രകാരിയെ കാണാൻ മോഹൻലാൽ എത്തി.
